Unseri Gschicht

Do sotte bald emohl unseri Gschicht z läse si!

D Arbets- und Findigskommission het ihri erschti Sitzig abghalte, und mr sinn gspannt uff d Ergäbniss vo de wittere.

E klaine Vorgschmagg wo allössligg vom 50 Joor Jubiläum gschriebe worde isch kasch doo emool lääse:

VOR 50 JOHR S’ISCH KUM ZUM SAGE
GRÜNDE DIE E WAGGIS WAAGE
ZUM SCHUTTE HETT’S NE NÜMM GANZ GLÄNGT
SO HÄNN DIE OB BRIEDER DÄNGGT
DUMM SCHNUURE HÄNN MER IMMER  KENNE
ABER NÜMM SO RICHTIG RENNE
DRUM MACHE MIR, ME GLAUBTS FASCHT NIT
AN DER  NÄCHSCHTE FASNACHT MIT.

E RICHTIG GROSSI REHRE  FIERE
D’LÜT IM GAGGO UMME RIERE
GROSSI SCHPRÜCH UND GROSSE KNATSCH
GRAD WIE AMME NE OB FUSSBALLMATSCH.
SI HÄNN DEN MIESSE E NAME SUECHE
OB GIMPEL, OB RUECHE
NÜT HET NE SO RICHTIG WELLE PASSE
DO MEINT DER ANDI GANZ GELASSE
D’OB SIMMER , WIE N IS ALLI KENNE
DRUM WÄRDE MIR UNS OHMÄCHTIGI BRIEDER NENNE.

SIE SUECHE DENN E SCHTARKE MAA
WO AB UND ZUE AU SCHLICHTE KA
DR PETER VOGT DÄ SCHWINGER BROGGE
SOLL VORNE UFF EM TRAKTOR HOGGE.
SO GÖHN DIE JÖHRLI DENN VERBI
E MÄNGE ISCH HÜTT NÜMM DERBI
DIE OHMÄCHTIGE BRIEDER ABER SINN NO DO
NEUI LÜT SINN UFF E WAAGE KHO
STATUTE HÄNN MER IMMER NO KEINI
DOCH DAS ISCH NIT SO WICHTIG, MEIN I
VIEL BESSER ISCH’S DASS MIR  HÜT DO
HÄNN KÖNNE GMIETLIG ZÄMME KHO
UND 50 JÖHRLI OB FIRE
ZU DÄMM MÖCHTE ICH UNS HÄRZLIG GRATULIERE.